Туркия терма жамоаси ҳимоячиси Мериҳ Демирал сиёсий имо-ишора кўрсатгани учун икки ўйинга дисквалификация қилинди. Туркия футбол федерацияси қарор устидан Спорт арбитраж судига шикоят қилди. Бу ҳақда журналист Ягиз Сабунчўғли ижтимоий тармоқларда ёзди.
Эслатиб ўтамиз, Туркия терма жамоаси Европа чемпионати 1/8 финалида Австрияни 2:1 ҳисобида мағлуб этганди. Демирал дублга эришди. Агар дисквалификация ўз кучида қолса, ҳимоячи Европа чемпионатининг чорак финалида Нидерландияга қарши ўйинда майдонга туша олмайди. Бу ўйин 6 июль, шанба куни бўлиб ўтади.
