Turkiya terma jamoasi himoyachisi Merih Demiral siyosiy imo-ishora ko‘rsatgani uchun ikki o‘yinga diskvalifikasiya qilindi. Turkiya futbol federasiyasi qaror ustidan Sport arbitraj sudiga shikoyat qildi. Bu haqda jurnalist Yagiz Sabuncho‘g‘li ijtimoiy tarmoqlarda yozdi.
Eslatib o‘tamiz, Turkiya terma jamoasi Yevropa chempionati 1/8 finalida Avstriyani 2:1 hisobida mag‘lub etgandi. Demiral dublga erishdi. Agar diskvalifikasiya o‘z kuchida qolsa, himoyachi Yevropa chempionatining chorak finalida Niderlandiyaga qarshi o‘yinda maydonga tusha olmaydi. Bu o‘yin 6 iyul, shanba kuni bo‘lib o‘tadi.
