«Бавария» устози Юпп Хайнкес чемпионлар лигаси чорак финалининг «Ювентус»га қарши ўйини ҳақида фикр билдирди.

«Бундеслигада ғалаба қозонганимиздан кейин футболчиларнинг бу ўйинга тайёрланишлари осон бўлмади. Ўйиннинг дастлабки 20 дақиқасида бу намоён бўлди. Оддий ҳолатларда тўпни йўқотиб қўйдик, лекин ҳужумкор ўйин кўрсатиб, ўйинни тўлалигича назорат қила билдик. Иккинчи таймда ўйинни яхшигина кучайтира олдик ва охир оқибат ғалабага эришдик.

Танаффусда бир нечта тактик вазиятларни муҳокама қилдик. Бу бизга фойда берди. Сўнгги вақтларда бизни мақташмоқда ва биз шунинг учун гол уришимиз керак эди.

Ҳа биз мамлакат чемпионатида зафар қучдик, лекин бизнинг бошқа мақсадларимиз ҳам бор. Кўрамиз, биз «Барселона» ва «Реал» даражасига етишдикми»,- дейди мураббий.