Шанба куни "Уимблдон" теннис турнирида Александр Зверев ва Кемерон Норри ўртасидаги учрашув бўлиб ўтди.
Германиялик уч сетда ғалаба қозонди – 6:4, 6:4, 7:6.
Ўйинда "Манчестер Сити" бош мураббийи Пеп Гвардиола иштирок этди. Ўйиндан сўнг фикр билдирган Зверев Гвардиолага мурожаат қилди.
“Бугун бу ерда жуда кўп ажойиб меҳмонлар бор. Масалан, Хосеп Гвардиола. Мен учун бу футбол афсонаси.
Пепни кўрганимда ҳаяжонландим. Келганингиз учун катта раҳмат, бу шараф. Айтганча, “Бавария”га янги мураббий керак. Агар сиз футболдан чарчаган бўлсангиз, исталган вақтда мен билан майдонда машқ қилишингиз мумкин", - деди Зверев.
