Швейцария терма жамоаси сардори Гранит Жака Европа чемпионатини тарк этганидан сўнг фикр билдирди.
Шанба оқшомида жамоа чорак финалда 1:1 ҳисобида дуранг ўйнаб, Англияга пенальтилар сериясида мағлуб бўлди. Жаканинг сўзларига кўра, у Мурат Якин терма жамоа бош мураббийи бўлиб қолишига умид қилмоқда.
“Бир нарсани қурганингиздан сўнг, у нарсани бузишингиз шарт эмас. Мураббий билан ишлашни давом эттирмоқчимиз. У катта босим остида эди ва нимага қодирлигини кўрсатди. Умид қиламанки, мураббий билан яна бирга ишлаймиз", - дея Жаканинг сўзларини келтиради 20min.
Швейцария терма жамоаси кейинги ўйинини сентябрь ойида ўтказади.
