Shveysariya terma jamoasi sardori Granit Jaka Yevropa chempionatini tark etganidan so‘ng fikr bildirdi.

Shanba oqshomida jamoa chorak finalda 1:1 hisobida durang o‘ynab, Angliyaga penaltilar seriyasida mag‘lub bo‘ldi. Jakaning so‘zlariga ko‘ra, u Murat Yakin terma jamoa bosh murabbiyi bo‘lib qolishiga umid qilmoqda.

“Bir narsani qurganingizdan so‘ng, u narsani buzishingiz shart emas. Murabbiy bilan ishlashni davom ettirmoqchimiz. U katta bosim ostida edi va nimaga qodirligini ko‘rsatdi. Umid qilamanki, murabbiy bilan yana birga ishlaymiz", - deya Jakaning so‘zlarini keltiradi 20min.

Shveysariya terma jamoasi keyingi o‘yinini sentyabr oyida o‘tkazadi.