Франция терма жамоаси бош мураббийи Дидье Дешам "уч ранглилар" ҳужумчиси Килиан Мбаппе ўзининг энг яхши формасидан йироқдек туюладими, деган саволга кескин жавоб қайтарди. Эслатиб ўтамиз, 25 ёшли футболчи Евро-2024 доирасидаги тўртта ўйинда қатнашиб, битта гол урган.
"У 100 фоиз тайёр бўлмаса ҳам, унинг мавжудлиги рақибларга таъсир қилади ва уларни мослашишга мажбур қилади. Мен буни биламан. У аллақачон нима қилганини ҳисобга олсак, у тарихда қолди, деб ўйламайсизми? У тарихда янада кўпроқ бўлишни хоҳлайди.
Тиббиёт ходимлари билан биргаликда Мбаппенинг ўйнаши учун ҳамма нарсани қилдик. Евро-2024га тайёргарлик пайтида унинг белида ҳам кичик муаммолар бор эди, аммо Килиан биз билан", - деди Дешам RMC Sport билан суҳбатда.
Эслатиб ўтамиз, Мбаппе Евро-2024 гуруҳ босқичининг 1-турида Австрия билан (0:1) олган бурни синганлиги сабабли ҳимоя ниқобида ўйнашга мажбур бўляпти.
