Бразилия терма жамоаси Америка кубогида муваффақиятсизликка учради. Бразилияликлар ўз олдига максимал мақсадни қўйди, бироқ улар чорак финалда мағлуб бўлишди. Унда бразилияликлар голсиз дурангдан кейин Уругвайга пенальтилар сериясида мағлуб бўлишди.
Бразилия терма жамоаси бош мураббийи Доривал Жуниор бу натижа учун масъулиятни ўз зиммасига олди.
"Бундай иш жуда сабр-тоқатни талаб қилади. Тан олишим керакки, бу кутилган натижа эмас ва бунинг учун тўлиқ жавобгарликни ўз зиммамга оламан. Лекин, шу билан бирга, ўйлайманки, бу жамоада ўсиш, ривожланиш ва тараққиёт учун катта имкониятлар бор", - деди Доривал Goal билан суҳбатда.
