Braziliya terma jamoasi Amerika kubogida muvaffaqiyatsizlikka uchradi. Braziliyaliklar o‘z oldiga maksimal maqsadni qo‘ydi, biroq ular chorak finalda mag‘lub bo‘lishdi. Unda braziliyaliklar golsiz durangdan keyin Urugvayga penaltilar seriyasida mag‘lub bo‘lishdi.
Braziliya terma jamoasi bosh murabbiyi Dorival Junior bu natija uchun mas’uliyatni o‘z zimmasiga oldi.
"Bunday ish juda sabr-toqatni talab qiladi. Tan olishim kerakki, bu kutilgan natija emas va buning uchun to‘liq javobgarlikni o‘z zimmamga olaman. Lekin, shu bilan birga, o‘ylaymanki, bu jamoada o‘sish, rivojlanish va taraqqiyot uchun katta imkoniyatlar bor", - dedi Dorival Goal bilan suhbatda.
