"Манчестер Юнайтед" ходимларини қисқартириш орқали пулни тежайди.
Клуб ҳаммуаллифи сэр Жим Рэтклиффнинг 250 нафар ходимни қисқартириш ҳақидаги қарори бир йилда тахминан 10 миллион фунт стерлингни тежайди, дея хабар беради The Guardian нашри. Ишдан бўшатилган ҳар бир киши учун "Манчестер Юнайтед" 40 минг тежай олади.
Бу ҳаракат Рэтклиффнинг клубни қайта қуриш ва уни барқарор қилиш режасининг бир қисмидир.
Режалаштирилган ишдан бўшатиш чоршанба куни бўлиб ўтган ходимлар йиғилишида эълон қилинди ва баъзи иштирокчилар ҳайратда қолди. Бундан ҳайратга тушганлар, йиғлаганлар ҳам бўлди.
