"Интер" ёзги трансфер ойнасида марказий ҳимоячи позициясини кучайтирмоқчи.
La Gazzetta dello Sport нашри хабарига кўра, миланликлар клуби "Бавария" футболчиси Ким Мин Чжега қизиқиш билдирмоқда. Қайд этилишича, Ян Зоммер ва Бенжамин Павар трансферларидан сўнг клублар ўртасида яхши муносабатлар ўрнатилган.
Шу билан бирга, Кимнинг "Интер"га келишининг ягона йўли - бу ижара, "Бавария" эса футболчини қўйиб юборишга қарши эмас.
Эслатиб ўтамиз, жанубий кореялик футболчи “Наполи”дан 50 миллион евро эвазига трансфер қилинганидан сўнг 2023 йилнинг июлидан бери мюнхенликлар сафида ўйнаб келмоқда. Унинг клуб билан шартномаси 2028 йилнинг 30 июнига қадар амал қилади.
Жорий мавсумда Ким клуб учун 1 та гол ва 1 та голли узатмани амалга оширди.
