"Inter" yozgi transfer oynasida markaziy himoyachi pozisiyasini kuchaytirmoqchi.
La Gazzetta dello Sport nashri xabariga ko‘ra, milanliklar klubi "Bavariya" futbolchisi Kim Min Chjega qiziqish bildirmoqda. Qayd etilishicha, Yan Zommer va Benjamin Pavar transferlaridan so‘ng klublar o‘rtasida yaxshi munosabatlar o‘rnatilgan.
Shu bilan birga, Kimning "Inter"ga kelishining yagona yo‘li - bu ijara, "Bavariya" esa futbolchini qo‘yib yuborishga qarshi emas.
Eslatib o‘tamiz, janubiy koreyalik futbolchi “Napoli”dan 50 million yevro evaziga transfer qilinganidan so‘ng 2023 yilning iyulidan beri myunxenliklar safida o‘ynab kelmoqda. Uning klub bilan shartnomasi 2028 yilning 30 iyuniga qadar amal qiladi.
Joriy mavsumda Kim klub uchun 1 ta gol va 1 ta golli uzatmani amalga oshirdi.
