Европа чемпионатининг биринчи ярим финал ўйинига ҳакам тайинланди.
Словениялик Славко Винчич 9 июль куни бўлиб ўтадиган ва Тошкент вақти билан 00:00да бошланадиган Испания ва Франция иштирокидаги Евро ярим финалига бош ҳакам этиб тайинланди.
Славконинг ёрдамчилари унинг ҳамюртлари Томаж Кланчник ва Андраж Ковачич, тўртинчи ҳакам Иван Кружьляк (Словакия) бўлади.
ВАР ҳаками Нейц Кайтазович (Словения), ёрдамчилари италияликлар Паоло Валери ва Массимилиано Иррати.
1 июнь куни Винчич Чемпионлар лигаси финали Дортмунднинг "Боруссия"си - "Реал" (0:2) учрашувини бошқарган.
