"Эвертон" ҳимоячиси Жарред Брантуэйтнинг "Манчестер Юнайтед"га ўтиши муваффақиятсиз якунланиши мумкин, деб хабар беради Daily Mail.
Манбанинг хабарига кўра, манкунианликлар раҳбарияти трансфер йиғилишида Англия терма жамоасининг 22 ёшли футболчиси учун яна бир таклиф юбориш ёки йўқлигини муҳокама қилади. Аввалроқ “МЮ” ҳимоячи учун 41 миллион евро таклиф қилганди.
2023/24 йилги мавсумда Брантуэйт 41 та ўйин ўтказиб, 3 та гол урган. Transfermarkt портали футболчининг нархини 42 миллион еврога баҳолаган.
