"Манчестер Юнайтед" ўз ҳужумчиси Мейсон Гринвудга жамоани бутунлай тарк этиши кераклигини айтди.
Ўз терма жамоалари билан шуғулланмаган "Манчестер Юнайтед" футболчилари душанба куни Каррингтон базасида мавсумолди машғулотларини бошладилар.
Ўтган мавсумда Испаниянинг "Хетафе" жамоасида ижара асосида ўйнаган 22 ёшли Гринвуд ҳам Каррингтонда эътиборга олинди. Мейсон учун бу 2020 йил январь ойидан бери, қиз дўстини зўрлаш ва калтаклашда гумонланиб ҳибсга олинганидан бери ўзининг дастлабки клуби базасига биринчи ташрифи эди.
BBC нашри хабарига кўра, Гринвуд Каррингтонга машғулот ўтказиш учун эмас, балки "Манчестер Юнайтед" раҳбарияти, жумладан, спорт директори Дэн Эшуорт ва техник директор Жейсон Уилькокс билан учрашиш учун келган.
Учрашув қисқа бўлди, аммо томонлар "конструктив музокаралар" олиб боришди. Гринвудга клуб уни ёзда сотиш ниятида эканлиги айтилган ва агар матбуотга ишонадиган бўлсак, "Марсель" Мейсоннинг трансфери устида аллақачон астойдил ҳаракат қилмоқда.
