"Manchester Yunayted" o‘z hujumchisi Meyson Grinvudga jamoani butunlay tark etishi kerakligini aytdi.
O‘z terma jamoalari bilan shug‘ullanmagan "Manchester Yunayted" futbolchilari dushanba kuni Karrington bazasida mavsumoldi mashg‘ulotlarini boshladilar.
O‘tgan mavsumda Ispaniyaning "Xetafe" jamoasida ijara asosida o‘ynagan 22 yoshli Grinvud ham Karringtonda e’tiborga olindi. Meyson uchun bu 2020 yil yanvar oyidan beri, qiz do‘stini zo‘rlash va kaltaklashda gumonlanib hibsga olinganidan beri o‘zining dastlabki klubi bazasiga birinchi tashrifi edi.
BBC nashri xabariga ko‘ra, Grinvud Karringtonga mashg‘ulot o‘tkazish uchun emas, balki "Manchester Yunayted" rahbariyati, jumladan, sport direktori Den Eshuort va texnik direktor Jeyson Uilkoks bilan uchrashish uchun kelgan.
Uchrashuv qisqa bo‘ldi, ammo tomonlar "konstruktiv muzokaralar" olib borishdi. Grinvudga klub uni yozda sotish niyatida ekanligi aytilgan va agar matbuotga ishonadigan bo‘lsak, "Marsel" Meysonning transferi ustida allaqachon astoydil harakat qilmoqda.
