"Атлетико" "Челси" ярим ҳимоячиси Конор Галлахерга энг кўп қизиқиш билдираётган клуб бўлиб қолмоқда.

Маълумки, Галлахернинг шартномасидаги вазият ҳалигача ҳал этилмаган. Конор амалдаги келишувининг сўнгги 12 ойига кирган ва ҳамкорликни узайтириш бўйича “Челси” билан музокаралар анчадан бери боши берк кўчага кириб қолган эди.

Галлахерга Премьер-лига ва Европанинг турли клублари, жумладан, "Тоттенхэм" ҳам қизиқиш билдирмоқда, аммо журналист Фабрицио Романнинг таъкидлашича, "Атлетико" Конорни ҳаммадан кўра кўпроқ олишни хоҳлайди.

"Атлетико Мадрид" 24 ёшли англиялик футболчига совринлар учун кураш олиб бориш ва "Тоттенхэм" ҳам, "Челси" ҳам иштирок этмайдиган Чемпионлар лигасида ўйнаш имкониятини тақдим этишга тайёр.

Молиявий нуқтаи назардан, "Атлетико Мадрид" учун келишув ниҳоятда қийин кўринади, аммо испан грандлари "кўклар" томонидан 50 миллион фунт стерлингга баҳоланган Галлахерни қўлга киритиш учун барча имкониятларни ишга солмоқда.

Романонинг қўшимча қилишича, "Атлетико" аллақачон "Челси" билан музокаралар олиб бормоқда, аммо Мадрид клубининг қисқа рўйхатида бошқа ярим ҳимоячилар ҳам бор.