"Atletiko" "Chelsi" yarim himoyachisi Konor Gallaxerga eng ko‘p qiziqish bildirayotgan klub bo‘lib qolmoqda.
Ma’lumki, Gallaxerning shartnomasidagi vaziyat haligacha hal etilmagan. Konor amaldagi kelishuvining so‘nggi 12 oyiga kirgan va hamkorlikni uzaytirish bo‘yicha “Chelsi” bilan muzokaralar anchadan beri boshi berk ko‘chaga kirib qolgan edi.
Gallaxerga Premyer-liga va Yevropaning turli klublari, jumladan, "Tottenxem" ham qiziqish bildirmoqda, ammo jurnalist Fabrisio Romanning ta’kidlashicha, "Atletiko" Konorni hammadan ko‘ra ko‘proq olishni xohlaydi.
"Atletiko Madrid" 24 yoshli angliyalik futbolchiga sovrinlar uchun kurash olib borish va "Tottenxem" ham, "Chelsi" ham ishtirok etmaydigan Chempionlar ligasida o‘ynash imkoniyatini taqdim etishga tayyor.
Moliyaviy nuqtai nazardan, "Atletiko Madrid" uchun kelishuv nihoyatda qiyin ko‘rinadi, ammo ispan grandlari "ko‘klar" tomonidan 50 million funt sterlingga baholangan Gallaxerni qo‘lga kiritish uchun barcha imkoniyatlarni ishga solmoqda.
Romanoning qo‘shimcha qilishicha, "Atletiko" allaqachon "Chelsi" bilan muzokaralar olib bormoqda, ammo Madrid klubining qisqa ro‘yxatida boshqa yarim himoyachilar ham bor.
