Ҳуқуқлари Бильбаонинг "Атлетик" клубига тегишли бўлган испаниялик ҳужумчи Нико Уильямс "Барселона"нинг ёздаги асосий мақсади ҳисобланади.

Шу билан бирга, агар тўсатдан келишув амалга ошмай қолса, "кўк-анорранглилар" Б вариантига эга. Каталония гранди ҳозирда Мексиканинг "Толука" жамоасида ўйнаётган уругвайлик Максимилиано Араухонни таклиф қилишлари мумкин. "Барселона" спорт директори Деку клуб вакиллари билан алоқада.

Араухони трансфер қилиш каталонияликларга Уильямсни сотиб олишдан анча арзонга тушади. 24 ёшли уругвайлик футболчининг келишуви ўн миллион еврога баҳоланган.