Франция терма жамоаси бош мураббийи Дидье Дешам терма жамоа дарвозабони Майк Меньян ҳақида ўз фикрлари билан ўртоқлашди.
"Бу футболчи нима учун ажойиб эканлигини тушунтиришга ҳожат йўқ. Меньян таркибнинг етакчиси. Энди у кўпроқ эътиборга олинди, бироқ унинг истеъдоди анчадан бери кўзга ташланмоқда", - дейди мутахассис.
Евро-2024 да 29 ёшли франциялик дарвозабон бешта ўйин ўтказиб, уларнинг тўрттасида дарвозаси дахлсизлигини сақлаб қолган. Германияда бўлиб ўтаётган Европа чемпионати ярим финалида Франция терма жамоаси Испания терма жамоаси билан тўқнаш келади.
Ўйин Мюнхендаги "Альянц-Арена"да бўлиб ўтади ва Тошкент вақти билан соат 00:00да бошланади.
