Испаниянинг "Жирона" футболчиси Чарлз Диас Франция терма жамоаси ҳужумчиси Килиан Мбаппе 2024 йилги Европа чемпионатида ниқобда ўйнаганида ўзини қандай ҳис қилаётганини айтди.

"Мбаппе 100 фоиз ўзининг кўрсата олмаётгани нормал ҳолат, чунки ниқоб билан ўйнаш ноқулай. Сизнинг миянгиз, агар хоҳламасангиз ҳам, шикастланган жойни ҳимоя қилиш ҳақида ўйлайди. Бу Португалияга қарши ўйинда тўп Мбаппега тушиб, у майдонда қолганида яққол кўринди. У ўйинни давом эттира олди, аммо якунда мураббий барибир Килианни алмаштиришга мажбур бўлди", - деди Чарлз Диас Relevo билан суҳбатда.

Эслатиб ўтамиз, Мбаппе 2024 йилги Европа чемпионатининг очилиш ўйинида бурни синганлиги сабабли ҳимоя ниқобида ўйнашга мажбур бўлмоқда. Агар синиш яна такрорланса, франциялик футболчи жарроҳлик амалиётини ўтказиши керак, шу сабабли у қитъа чемпионатининг қолган қисмини ўтказиб юбориши мумкин.