Ispaniyaning "Jirona" futbolchisi Charlz Dias Fransiya terma jamoasi hujumchisi Kilian Mbappe 2024 yilgi Yevropa chempionatida niqobda o‘ynaganida o‘zini qanday his qilayotganini aytdi.
"Mbappe 100 foiz o‘zining ko‘rsata olmayotgani normal holat, chunki niqob bilan o‘ynash noqulay. Sizning miyangiz, agar xohlamasangiz ham, shikastlangan joyni himoya qilish haqida o‘ylaydi. Bu Portugaliyaga qarshi o‘yinda to‘p Mbappega tushib, u maydonda qolganida yaqqol ko‘rindi. U o‘yinni davom ettira oldi, ammo yakunda murabbiy baribir Kilianni almashtirishga majbur bo‘ldi", - dedi Charlz Dias Relevo bilan suhbatda.
Eslatib o‘tamiz, Mbappe 2024 yilgi Yevropa chempionatining ochilish o‘yinida burni singanligi sababli himoya niqobida o‘ynashga majbur bo‘lmoqda. Agar sinish yana takrorlansa, fransiyalik futbolchi jarrohlik amaliyotini o‘tkazishi kerak, shu sababli u qit’a chempionatining qolgan qismini o‘tkazib yuborishi mumkin.
