Рональд Куман ЖЧ-2026да ҳам Нидерландия терма жамоасини бошқаришни истаётганини тасдиқлади.
61 ёшли мутахассиснинг шартномаси 2026 йилнинг 31 июлига қадар мўлжалланган. Куман буни охиригача ишлаб қўйишни режалаштиряптими, деган саволга жавоб берди.
"Айни пайтда - ҳа. Улар мендан қутула олмайди деб ўйлайман" - деди Нидерландия терма жамоаси бош мураббийи.
Куман кўкрак бези саратони билан курашаётган рафиқасининг саломатлиги ҳақида ҳам гапирди.
Хотинимнинг саломатлиги яхши. У ҳақиқатан ҳам даволанмоқда, аммо бу мураббий сифатида ишлашни тўхтатиш учун сабаб эмас", - дея қўшимча қилди нидерландиялик мутахассиси.
2026 йилги жаҳон чемпионати АҚШ, Канада ва Мексикада бўлиб ўтади. Евро-2024да Нидерландия терма жамоаси ярим финалга йўл олди ва бу босқичда Англия терма жамоаси билан учрашади.
