Германия терма жамоасининг афсонавий ҳимоячиси Лотар Маттеус Испания ва Франция терма жамоалари ўртасидаги 2024 йилги Европа чемпионати 1/2 финал учрашуви арафасида ўз фикрларини билдириб ўтди.

"Испаниянинг ҳимоя чизиғи беқарорлигини инобатга олган ҳолда чорак финалда Германия билан ўйнаш осон бўлмаганини сезган бўлсангиз керак. Испания терма жамоасида яхши футболчилар бор, албатта, лекин улар жуда кучли Франция билан тўқнаш келишади. Франциянинг ҳужуми ҳали кучли кўринмади, бу ғалати, аммо финалга чиқиш мақсади буни ўзгартиради деб ўйлайман. Франция 2:1 ҳисобида ғалаба қозонишига ишонаман", - дея Маттеус сўзларини келтиради Mundo Deportivo.

Бугун, 9 июль куни Испания ва Франция терма жамоалари ўртасида 2024 йилги Европа чемпионати 1/2 финал учрашуви бўлиб ўтади.