Бир неча ой олдин Карло Анчелотти "Реал" билан шартномасини 2026 йилнинг ўрталарига қадар узайтирганди. Бироқ, италиялик бош мураббий ҳали ҳам Бразилия футбол конфедерациясининг нишонида турибди.

TodoFichajes нашрининг хабарига кўра, Бразилия келаси йили Анчелоттини терма жамоага бош мураббий сифатида таклиф қилиниши мумкинлигига умид қилмоқда. Бу ҳолда италиялик мураббий бразилияликлар етиб бориши керак бўлган 2026 йилги жаҳон чемпионатига тайёрлайди.

Агар 2024/2025 йилги мавсум "Реал" учун омадсиз бўлиб чиқса, у ҳолда Анчелотти амалдаги шартномаси тугагунига қадар клубни тарк этиши мумкин. Манбанинг таъкидлашича, бразилияликлар бундан фойдаланишга тайёр бўлишади.

Эслатиб ўтамиз, аввалроқ Карло Анчелотти Бразилия терма жамоаси билан боғлангани ҳақида хабарлар тарқалган эди. Бир пайтлар ҳатто италиялик мутахассис 2023/2024 йилги мавсум якунида Бразилияни қабул қилиб оладигандек туюлганди.

Доривал Жуниор бошчилигидаги Бразилия терма жамоаси чорак финалда Америка кубогида муваффақиятсизликка учради.