Бугун, 10 июль куни Аргентина терма жамоаси ҳужумчиси Лионель Месси Канада терма жамоасига қарши баҳсда Америка кубоги-2024 ярим финалида (2:0) гол урди.
Шу тариқа, 37 ёшли футболчи Германияда бўлиб ўтган 2006 йилги жаҳон чемпионатидан бошлаб кетма-кет ўнта йирик турнирда гол урди. Бу вақт ичида Месси жами 27 та гол урди.
2024 йилги Америка Кубоги финалида аргентиналиклар 11 июль куни бўлиб ўтадиган Уругвай - Колумбия ярим финали ғолиби билан ўйнайди.
Америка кубоги 21 июндан 15 июлга қадар давом этади. Турнирнинг амалдаги ғолиби 2021 йилги финалда Бразилия терма жамоасини 1:0 ҳисобида мағлуб этган Аргентина терма жамоаси ҳисобланади.
