Нидерландия терма жамоаси дарвозабони Барт Вербрюгген ўйин олдидан Харри Кейннинг пенальтисига тайёргарлик кўрганини тан олди.
Англиялик сардор 18-дақиқада Евро-2024 нимчорак финал учрашувида ўзининг чап бурчагига аниқ зарба берди ва ҳисобни тенглаштирди. Нидерландиялик дарвозабон зарба йўналишини тахмин қилди, бироқ тўпга етиб бормади.
"Биз яхши тайёргарлик кўрдик. Биз Кейн қандай зарба беришини билгандик ва у биз хоҳлаган нарсани қилди. Мен пенальтини қайтаришга яқин эдим. Лекин зарба жуда яхши бажарилди, бунинг учун Кейн ҳурматга лойиқ", - деди Вербрюгген ўйиндан кейинги интервьюсида.
Учрашувдаги ҳал қилувчи гол 91-дақиқада Олли Уоткинс томонидан киритилди. Инглизлар финалда Испания билан ўйнайди.
