Сешанба оқшомида Испания Францияни 2:1 ҳисобида мағлуб этди ва Европа чемпионатининг илк финалчисига айланди.
Испания жамоасининг иккита голидан бирининг муаллифи "қизил фурия" вингери Ламин Ямал бўлди.
16 ёшли футболчи жарима майдончаси ташқарисидан чиройли ва энг муҳими аниқ зарба йўллади. Ямалнинг голини Франция терма жамоаси бош мураббийи Дидье Дешам юқори баҳолади. “Унинг зарбаси ажойиб эди. У жуда омадли эди, лекин биз унинг ютуқларини камситмаслигимиз керак.
Шубҳасиз, биз Ямалга жуда кўп бўш жой бериб қўйдик. Испанияда жарима майдончаси ичидан яхши зарба бера оладиган футболчилар кўп.
Биз унга ҳаддан ташқари кўп эркинлик бердик", - дея Дешамнинг сўзларини келтирмоқда Mirror.
