Англия терма жамоаси ярим ҳимоячиси Жуд Беллингем Нидерландияга қарши Европа чемпионати ярим финалидаги ғалабадан сўнг интервью берди.
"Уч шерлар" Олли Уоткинснинг голи эвазига финал йўлланмасини қўлга киритишди (2:1).
"Қўлимиздан келганича ўйнасак ҳам бизни танқид қилишади, аммо бунга ғалабалар билан жавоб берамиз.
Бундай дамлар ажойиб, улар бизни янада бирлаштиради. Энди бизни финал кутмоқда. Олли Уоткинс майдонга тушди ва ўз имкониятидан фойдаланди, мен у учун жуда хурсандман. Клубда ўрганиб қолганингиздек, ҳар бир ўйинни асосий таркибда бошламасангиз, ўзингизни исботлаш осон эмас", - деди Беллингем.
