Angliya terma jamoasi yarim himoyachisi Jud Bellingem Niderlandiyaga qarshi Yevropa chempionati yarim finalidagi g‘alabadan so‘ng intervyu berdi.
"Uch sherlar" Olli Uotkinsning goli evaziga final yo‘llanmasini qo‘lga kiritishdi (2:1).
"Qo‘limizdan kelganicha o‘ynasak ham bizni tanqid qilishadi, ammo bunga g‘alabalar bilan javob beramiz.
Bunday damlar ajoyib, ular bizni yanada birlashtiradi. Endi bizni final kutmoqda. Olli Uotkins maydonga tushdi va o‘z imkoniyatidan foydalandi, men u uchun juda xursandman. Klubda o‘rganib qolganingizdek, har bir o‘yinni asosiy tarkibda boshlamasangiz, o‘zingizni isbotlash oson emas", - dedi Bellingem.
