Юрген Клопп 2023/2024 йилги мавсум якунида "Ливерпул"ни тарк этди. Германиялик мутахассис ўз қарорини қишдаёқ куч-қувват етишмаслигини баҳона қилиб эълон қилди. Клопп мураббийлик фаолиятидан камида бир йил танаффус қилиш нияти борлигини малум қилди.
The Independent нашрининг ёзишича, улар Клоппни АҚШ терма жамоаси бош мураббийи сифатида кўрмоқчи. Манбага кўра, америкаликлар германиялик мутахассис билан алоқа ўрнатган. Хабарингиз бор, Грегг Берхалтер Америка кубогидаги муваффақиятсиз ўйиндан сўнг АҚШ бош мураббийи лавозимини тарк этганди. Ҳозир америкаликлар терма жамоани ЖЧ-2026га тайёрлайдиган мутахассис изламоқда.
