“Реал” дарвозабони Андрей Лунин “Боруссия” (Дортмунд) билан Чемпионлар лигаси финали ҳақида гапирди.

"Менда иситма бор эди, жуда кучли. Икки кун давомида ўзимни жуда ёмон ҳис қилдим, ўламан деб ўйладим. Учинчи куни ўзимни яхши ҳис қилдим ва жамоа билан машғулот ўтказмоқчи эдим. Мен Вальдебебасга бордим, лекин улар тест ўтказиб, касаллигим юқумли эканлигини айтишди.

Эҳтиёткорлик мақсадида мени ичкарига киритишмади. Лекин, бахтимга, якунда мен у ерда бўлишга, жамоа билан машғулот ўтказиш, захира ўриндиғида ўтириш, майдонда ғалабани нишонлашга муваффақ бўлдим.

Грипп бўлмаганида ўйнаган бўлармидим? Билмадим, Анчелотти у ерда бўлмагани учун менга ҳеч нарса демади. Мураббийдан сўрашингиз мумкин", - дея Луниннинг сўзларини келтиради Marca.