Кристоф Дюгарри Антуан Гризманнинг терма жамоани тарк этиш вақти келганига ишонмаяпти.
1998 йилги жаҳон чемпиони "Атлетико" футболчисининг Франция терма жамоасидаги фаолиятини якунлаш вақти келганини айтган Жером Ротеннинг фикрига қўшилмади.
"Бир мавсумда "Атлетико" сафида 24 та гол урган ва 8 та голли узатма берган йигит фаолиятини қандай қилиб якунлаши керак? Турнирни ёмон ўтказди, савияси етмаяпти, дейиш ҳурматсизлик бўлади деб ўйлайман.
У сўнгги турнирларда Франция терма жамоасининг нури бўлди. Агар Гризманни турнирга олиб бормасак, унинг ўрнига кимни чақирамиз?" - деди Франция терма жамоасининг собиқ футболчиси.
