Англия терма жамоаси ярим ҳимоячиси Коул Палмер Испания терма жамоаси билан бўладиган Евро-2024 финалидан олдинги фикрлари билан ўртоқлашди.
"Албатта, бу ўйин бизнинг ҳаётимизни, оилаларимиз ҳаётини ўзгартиради ва барча биз билан фахрланади. Биз буни қилишга ҳаракат қиляпмиз. Менимча, агар финалга чиқсанг, ишни тугатишинг керак.
Финалга чиқиш жуда зўр ва сиз ундан завқ олишингиз керак, чунки ҳаётда бундай лаҳзалар кўп бўлмайди. Ҳамма ғалаба қозонишни жуда хоҳлайди", - деди Палмер.
Испания ва Англия терма жамоалари ўртасидаги ўйин 14 июль куни Тошкент вақти билан соат 23:59да бошланади.
