"Наполи" янги марказий ҳимоячи билан шартнома имзолашга яқин турибди. Журналист Фабрицио Романонинг маълумотларига кўра, "Торино" ҳимоячиси Алессандро Буонджорно тез орада ""Наполи"га ўтади.
"Мен Антонио Конте билан бир неча бор гаплашдим. У чиндан ҳам ҳаяжонда ва мен билан бирга ишлашга тайёр", - деди Алессандро Буонджорно.
Эслатиб ўтамиз, Италиянинг бошқа топ-клублари, жумладан, “Интер” ҳам Алессандро Буонджорно учун сўров юборган, бироқ айнан “Наполи” пойгада ғалаба қозонишга муваффақ бўлганди.
"Наполи"нинг янги бош мураббийи Антонио Конте Алессандрони Неаполга кўчиб ўтишга ишонтирди. Олдинроқ трансфер суммаси 35 миллион еврони ташкил қилиши хабар қилинганди.
