ХОҚ хитойлик сузувчилар масаласида WАDАни тўлиқ қўллаб-қувватлашини эълон қилди.
Халқаро олимпия қўмитаси (ХОҚ) хитойлик сузувчиларнинг допинг ишида Бутунжаҳон антидопинг агентлиги (WADА)ни тўлиқ қўллаб-қувватлашини маълум қилди.
Аввалроқ мустақил прокурор WАDАнинг Хитойга нисбатан тарафкашлик ёки тарафдорлик белгиларини топмагани ҳақида хабар берилган эди.
"ХОҚ сўнгги йилларда антидопинг тизимини мустаҳкамлаш бўйича қатор ташаббусларини амалга оширган WАDА ва унинг раҳбариятига тўлиқ ишончини яна бир бор тасдиқлайди.
ХОҚ барча манфаатдор томонларни допингга қарши курашда WАDАнинг олий ваколатига ҳурмат кўрсатишга чақиради.
Бу ҳурмат WАDАни яратишда ҳукуматлар ва Олимпия ҳаракатини бошқарган асосий тамойилдир", — дейилади ХОҚ баёнотида.













