"Ливерпул"нинг собиқ бош мураббийи Юрген Клопп мерсисайдликлар клуби хайрия жамғармаси элчиси этиб тайинлангани ҳақида фикр билдирди.

"Ливерпул жамғармаси шаҳар ичида ҳам, ундан ташқарида ҳам жамиятда ажойиб ишларни амалга оширади. Фонд билан ишлашда давом этаётганимдан ва тарихдаги биринчи фахрий элчи бўлганимдан жуда фахрланаман. Бўш вақтим кўпроқ бўлганидан кейин бирга нима қилишимиз мумкинлигини интиқлик билан кутяпман", - дея Юрген Клоппнинг сўзларини келтиради "Ливерпуль" расмий сайти.

Эслатиб ўтамиз, Клопп 2023/2024 йилги мавсум якунида инглиз клубини тарк этганди.