Симоне Индзаги “Интер” билан шартномасини узайтирди. Бу ҳақда Италия чемпиони клуб сайти орқали расман маълум қилди. 48 ёшли Индзаги 2025/2026 йилги мавсум охиригача тузилган меҳнат шартномасини имзолади.
Симоне Индзаги “Интер”ни 2021 йилнинг ёзидан буён бошқариб келмоқда. Ўшандан бери “нерадзуррилар” 6 та соврин ютди: Италия чемпиони (2024), икки марта Италия кубоги (2022, 2023) ва уч марта Италия Суперкубоги (2021, 2022, 2023).
Шунингдек, 2023 йилда “Интер” Чемпионлар лигаси финалига қадар етиб борган ва унда “Манчестер Сити”га минимал 0:1 ҳисобида мағлуб бўлганини ҳам таъкидлаш жоиз.
