«Рома» ҳужумчиси Тэмми Абрахам «Милан»га ўтиши мумкин.
Инсайдер Фабрицио Романонинг хабар беришича, миланликлар клуби 26 ёшли англиялик ҳужумчини сотиб олиш борасида Рим раҳбарияти билан алоқага чиққан.
«Милан»га келаси мавсум учун учта ҳужумчи керак ва Тэмми Абрахам «россонерилар» раҳбарияти томонидан кўриб чиқилаётган вариантлардан бири. Ушбу ўтишга футболчининг ўзи ҳам қизиқмоқда.
Ўтган мавсумда Абраҳам А Серияда 8 та ўйин ўтказиб, битта гол урган.
Шунингдек, «Милан» клуби «Атлетико» ҳужумчиси Альваро Моратани сотиб олишни ва сербиялик ҳужумчи Лука Йович билан шартномани узайтиришни режалаштираётгани хабар қилинган.
