Италиялик ҳужумчи Чиро Иммобиле "Бешиктош"га ўтишни якунлаш учун жума куни кечқурун Истанбулга етиб келди.
34 ёшли футболчи Рим клубида 8 йиллик ўйнаганидан сўнг "Лацио"ни тарк этди ва бу вақт ичида у 207 та гол уриб, римликлар тарихидаги энг яхши тўпурарга айланди. Туркия қоидаларига кўра, "Бешиктош" Чиро Иммобиле трансфери бўйича музокараларни бошлагани ҳақида оммавий баёнот берди. Бу клуб бажариши керак бўлган расмиятчилик, лекин аслида бу келишув аллақачон тузилганлигини билдиради.
Иммобиле Истанбул клуби билан икки йиллик шартнома имзолади ва маошини қисқартиришга рози бўлди.
