Испания терма жамоаси ва "Барселона"нинг ҳужумкор ярим ҳимоячиси Ламин Ямал бугун, 13 июль куни туғилган кунини нишонламоқда. Иқтидорли футболчи 17 ёшга тўлди.
Испания Ямалнинг 16 ёшдалигида финалга етиб келди ва 17 ёшга тўлганидан кейин финалда ўйнайди.
Эслатиб ўтамиз, Ламин Европа чемпионатлари тарихидаги энг ёш гол муаллифи ҳисобланади. Турнирда у битта гол урди ва учта голли узатмани амалга оширди.
Европа чемпионати финалида Испания терма жамоаси Англия терма жамоаси билан куч синашади. Учрашув 14 июль, якшанба куни Берлиндаги стадионда бўлиб ўтади.
Эслатиб ўтамиз, 17 ёшли Ямалнинг ҳозирги трансфер қиймати 90 миллион еврога баҳоланмоқда.
