"Ювентус" шартномаси келаси йили тугайдиган ва томонлар ҳалигача шартномани узайтириш борасида келиша олмаган Федерико Кьезага ўринбосар қидирмоқда.
Бу ўрин учун асосий даъвогар "Манчестер Юнайтед"нинг вингери Жейдон Санчо ҳисобланган. Бу позицияга Мейсон Гринвуд ва Карим Адейеми ҳам кўриб чиқилмоқда. Аммо La Gazzetta dello Sport нашри хабарига кўра, Турин клуби "Порту" ярим ҳимоячиси Франсишку Консейсауни ҳам кузатиб турибди.
Португалиялик ёш футболчининг "Порту" билан шартномаси 2029 йилгача мўлжалланган бўлиб, унинг қиймати, Transfermarkt портали маълумотларига кўра, 22 миллион еврони ташкил қилади. У Евро-2024да Португалия терма жамоасига чақирув олди ва турнирда Чехия терма жамоасига гол уришга муваффақ бўлди.
Италияда Консейсау фамилияси жуда машҳур, чунки Франсишкунинг отаси Сержио 1998 йилдан 2004 йилгача "Лацио", "Парма" ва "Интер"да ўйнаган.
