"Наполи" Хвича Кварацхелия билан янги шартнома устида ишламоқда. Клуб вакиллари июль ойи охирида футболчининг агентлари билан йиғилиш ўтказишади. Инсайдер Николо Скиранинг сўзларига кўра, партенопияликлар раҳбарияти 23 ёшли вингерни янги шартнома имзолашга кўндира олишига ишончи комил.
Кварацхелияга яна бир йилга узайтириш имконияти билан 2029 йилгача шартнома таклиф қилинади ва “Наполи” президенти Аурелио Де Лаурентис грузиялик футболчининг атрофидагилар билан шартномага товон пули бандини киритиш масаласини муҳокама қилади.
"ПСЖ" клуби Хвича Кварацхелияга қизиқиш билдирган. "Наполи" ўз юлдузини сотишдан бош тортди.
