Англия терма жамоасининг собиқ ҳужумчиси, ҳозирда футбол эксперти Гари Линекер Испания терма жамоаси ҳужумчиси Ламин Ямал ҳақидаги фикрлари билан ўртоқлашди. Футболчи бир кун аввал 17 ёшга тўлди.

“Мен ҳеч қачон бундай нарсани кўрмаганман. Агар Ямал доимий ўйнашда давом этса ва жароҳат олмаса, у ўзгача бўлиши мумкин. У Евронинг 3-4 та энг яхши ўйинчиларидан бири. Ва у эндигина 17 ёшда. Бу ёш йигитларнинг баъзилари умидларни оқлайди, баъзилари эса йўқ. Аммо бундай истеъдод билан биз унда қандайдир буюкликни кўрмасак, ҳайрон бўлардим", - дея мутахассис сўзларини келтиради The Guardian.