Мадриднинг “Атлетико” клуби ҳужумчиси Альваро Мората Италия А Сериясига қайтишга яқин турибди, у аввалроқ Туриннинг “Ювентус” клубида 4 мавсум ўйнаган. Журналист Николо Скиранинг хабарига кўра, испаниялик футболчи "Милан"га ўтишга яқин турибди.
"Россонерилар" Моратанинг шартномасида товон пули сифатида кўрсатилган 13 миллион еврони тўлашга рози бўлди. Альваро йилига 5 миллион евро маош билан 2028 йилгача шартнома имзолайди.
Маълум бўлишича, Мората шу ҳафтада "Милан"да тиббий кўрикдан ўтади. Кеча Альваро Испания терма жамоаси таркибида Европа чемпиони бўлди. Ла Лигада ўтган мавсумида форвард 15 та гол урди ва 3 та голли узатмани амалга оширди.
