Madridning “Atletiko” klubi hujumchisi Alvaro Morata Italiya A Seriyasiga qaytishga yaqin turibdi, u avvalroq Turinning “Yuventus” klubida 4 mavsum o‘ynagan. Jurnalist Nikolo Skiraning xabariga ko‘ra, ispaniyalik futbolchi "Milan"ga o‘tishga yaqin turibdi.
"Rossonerilar" Morataning shartnomasida tovon puli sifatida ko‘rsatilgan 13 million yevroni to‘lashga rozi bo‘ldi. Alvaro yiliga 5 million yevro maosh bilan 2028 yilgacha shartnoma imzolaydi.
Ma’lum bo‘lishicha, Morata shu haftada "Milan"da tibbiy ko‘rikdan o‘tadi. Kecha Alvaro Ispaniya terma jamoasi tarkibida Yevropa chempioni bo‘ldi. La Ligada o‘tgan mavsumida forvard 15 ta gol urdi va 3 ta golli uzatmani amalga oshirdi.
