Англия терма жамоаси матбуот хизмати хабар эълон қилди, унда футболчилар Европа чемпионати ўтказилган Германиядан Буюк Британияга қайтганидан сўнг мухлислар жамоани аэропортда кутиб ололмаслигини маълум қилди.

Евро-2024 да инглизлар турнир финалига қадар этиб борган ва у ерда Испания терма жамоасига ютқазган (1:2).

"Англия футболчилари ва ходимлари чартер рейсда қайтишмоқда ва аэропортни шахсий терминал орқали тарк этишади. Шу боис мухлислар етиб келгач, улар билан учрашиш имконига эга бўлмайди.

Турнир давомида қўллаб-қувватлаганингиз учун сизга, ажойиб мухлисларимизга миннатдорчилик билдирамиз", — дейилади жамоа баёнотида.