Испания терма жамоаси ярим ҳимоячиси Родри Эрнандес Англия терма жамоаси ярим ҳимоячиси Коул Палмернинг Евро-2024 финалидаги ўйинлари ҳақида фикр билдирди.
Эслатиб ўтамиз, "Челси" футболчиси иккинчи бўлимда захирадан майдонга тушиб, ҳисобни тенглаштирган бўлса, якунда Испания ғалабани тортиб олди.
"Биз Англияга дуранг қайд этиш учун яхши футбол ўйнаши шарт эмаслигини билардик. Палмер? Мен уни жуда яхши биламан. У ақл бовар қилмайдиган истеъдодга эга. Келажакда Коул ҳақиқий супер юлдузга айланади", - деди Родри.
Аввалроқ Родри Евро-2024нинг энг яхши футболчиси деб топилганди. Илгари ярим ҳимоячи Коулни Лондоннинг "Челси" жамоаси сотиб олмагунча Палмер билан "Манчестер Сити"да ўйнаган.
