Эмилиано Мартинес Аргентинанинг Америка Кубогидаги ғалабаси ҳақида фикр билдирди.
Аргентина терма жамоаси турнирнинг финал учрашувида Колумбия терма жамоасини мағлуб этди (1:0, қўшимча вақт).
Аргентиналиклар кетма-кет иккинчи марта Америка кубогини қўлга киритишди. Жамоа 2021 йилда ҳам кубокни қўлга киритган.
"Икки карра чемпион бўлиш жамоа ва мамлакат учун жуда ёқимли. Биз одамларга яна бир қувонч бахш этмоқчи эдик ва бунинг учун кўп куч сарфладик.
Ҳамма чемпионликни қўлга киритганимиздан кейин бўшашиб қоламиз деб ўйлаганди, аммо биз қандай жамоа эканлигимизни яна бир бор кўрсатдик", – деди Аргентина терма жамоаси дарвозабони Эмилиано Мартинес.
