Томас Мюллер Германия терма жамоасидаги фаолиятини якунлаганини эълон қилди.
"Мен ҳар доим ўз мамлакатимни ҳимоя қилишдан фахрланганман. Барчангизга раҳмат айтмоқчиман. Энди мен трибуналарда мухлисман", - дейди 34 ёшли футболчи.
Терма жамоа таркибида ярим ҳимоячи учун якуний турнир Евро-2024 бўлиб, унда Томас Мюллер иккита ўйин ўтказди.
Мюллер Германия терма жамоаси сафида 131 та ўйинда майдонга тушиб, 45 та гол урган. Фақат Лотар Маттеус (150) ва Мирослав Клозе (137) терма жамоада кўпроқ ўйин ўтказган.
Миллий терма жамоа таркибида Мюллер 2014 йилги жаҳон чемпионатида ғолиб чиққан, шунингдек, 2010 йилги жаҳон чемпионатида учинчи ўринни эгаллаган.
